NUN E' CURAGGIO... E' AMMORE

Strofa:
E mamma aspetta aret'a porta chiusa  
e ogni minuto tira ‘nu suspiro…
E comme faccio pe' truvà ‘na scusa 
si chiagne e dice, appena me retiro:  
“Figlio mio, che curaggio a cammenà
a tarda notte dinto all'oscurità?”
 
Ritornello:
Nun è curaggio… è ammore
ca me fa cammenà pe' strade oscure…
Nun è curaggio… è ammore
ca, sulitario, ‘o core fa cantà…
Nun pozzo cchiù durmì,
nun pozzo arrepusà…cammino!…
E penzo sempe a chi,
si pure fa suffrì, me fa
sunnanno campà!…
 
Nun è curaggio… è ammore
é ammore ca fa chiagnere e cantà!